Nau mai haere mai

Nau mai ki te paetukutuku Hononga.

Welcome to the Connected website.

       

Kua whakamaorihia e maatau tenei paetukutuku ki roto i te reo Maori hei waahanga o ta maatau pono ki Te Ture mō Te Reo Māori (Te Ture mo te Reo Maori) 2016 ma te whakamahi i tetahi kaiwhakamaori whai raihana.

We’ve translated this website into the Māori language as part of our commitment to Te Ture mō Te Reo Māori (The Māori Language Act) 2016 using a licensed translator.

       

Ahakoa ka ngana ki te pupuri i te katoa o te papanga, ko nga waahanga o te paetukutuku kua huri ake nei ka paa ki te reo Ingarihi. 

Although we try to keep the whole site translated, parts of the website that have recently changed will be in English.

{{ 'Kimihia te tautoko e tika ana māu' | except-last-word }} {{ 'Kimihia te tautoko e tika ana māu' | last-word }}

Tauākī tūmataiti

On this page

Pārongo whaiaro

Kāore ngā pae connected.govt.nz, tuhono.govt.nz rānei (te 'pae') e hiahia ki te kohikohi, te whakamahi, te tiri rānei i ō pārongo whaiaro.

Ka whakarite hononga mātou ki ētahi pae, ka hiahiatia pea e aua pae ō pārongo whaiaro - tēnā, pānuitia ngā Tauākī Tūmataiti i runga i aua pae i mua i tō tuku i ō taipitopito whaiaro.

Te whakamahi pihikete

Ka whakamahi pihikete mātou ki te kohikohi pārongo ā-tatauranga mō tō toronga mai ki tēnei pae he mea āwhina i a mātou ki te whakapakari tonu i te pae. He wāhanga waehere te pihikete ko tāna he waihanga kōnae ki runga i tō rorohiko ki te aroturuki i ngā whārangi ka tirohia e koe i runga i tā mātou paetukutuku. He rā kati tā ēnei pihikete, ka mutu, ka tangohia i taua rā tonu. Ka taea te mono pihikete, te whakawātea rānei tō pūtiro tukutuku me te kore whakararu i tō whakamahinga i te pae. Kāore ngā pihikete i te kohikohi i tō pārongo whaiaro.

Ngā Tūtātaritanga Google

Ka whakamahi mātou i ngā pihikete ki te taha o te taputapu Google Analytics hei kohikohi me te tātari taipitopito mō te whakamahinga o tā mātou paetukutuku. Ka whakaaetia e te nuinga o ngā pūtirotiro kia aukatia ngā pihikete e te kaiwhakamahi, te tuku whakatūpato rānei mehemea e tukua ana ngā pihikete.

Ko ētahi o ngā pārongo ka kohia e Google Analytics ko:

  • ngā wāhanga tuatahi e toru o te wāhitau IP o te pūrere
  • ngā whārangi i toroa i runga i tā mātou pae, me ngā hononga i pāwhiritia
  • te rā me te wā i toroa ai te pae
  • te pae nāna i tuku mai, mehemea he pae pērā, te pae i ahu mai ai koe ā-pāwhiri nei ki tēnei pae
  • te momo pūnaha mahi i runga i tō pūrere, hei tauira, Windows 10, Apple iOS rānei
  • te momo pūtirotiro i whakamahia, hei tauira, Google Chrome, Mozzilla Firefox rānei
  • ētahi atu tū momo pārongo pērā ki te tū rahinga o te mata, me te tautuhinga reo i whakamahia.

Ka whakaputua ngā raraunga o Google Analytics ki runga i ngā tūmau o Google, e taea ai hoki te kite e ngā kaimahi e whai mana ana e ai ki ngā taipitopito o tā rātou kaupapahere tūmataiti. Ka tiria pea tēnei pārongo ki ētahi atu hinonga karauna.

Ngā kōrero mō te whakamahinga o Google i te raraunga ina whakamahi koe i ngā pae, i ngā taupānga hoki o ā rātou hoa tāpui i https://www.google.com/policies/privacy/partners/ (external site)

Swiftype

Ka whakamahi hoki mātou i te Swiftype ki te kohikohi taipitopito mō ngā rapunga a ngā tāngata i runga i tā mātou pae. Kohia ai ngā pihikete, raraunga whakamahi hoki. Ka kitea te tauākī tūmataiti a Swiftype ki https://www.elastic.co/legal/product-privacy-statement (external site)

Whakarerekēhia: