Mehemea e hiahia ana koe ki te tiki tētahi hei kaimahi, ā, kei te hiahia tautoko kia whiwhi i ngā pūkenga mahi e tika ana, e taea ai pea e te kaupapa Utu ā-hāora-hangore te āwhina me te tautoko i te mahi, te whakangungu, te tautoko utu ā-hāora rānei.

Ka taea pea te whiwhi Utu ā-hāora-hangore mō tētahi tangata ka tīkina e koe mehemea kei:

• te tutuki rātou i ngā paearu
• ka haere tonu te tūranga, ā, ka haere tonu i muri i te mutunga o te tautoko
• kei te utu koe i te utu ā-hāora mōkito rawa piki ake mō te mahi
• kāore tētahi i panaia kia wātea mai ai te tūranga.

Ka kōrero Te Hiranga Tangata ki a koe mō te nui o te tautoko e hiahiatia ana e te kaitono ki te whiwhi i ngā pūkenga e hiahiatia ana ki te mahi i te mahi, ā, mehemea hoki he tautoko ā-Utu ā-hāora-hangore, he tautoko rānei mō te whakangungu, te tautoko rānei i te mahi (pērā ki te tautoko pakihi), he whiringa rānei o te katoa.

Kei te āhua o te tautoko e hiahiatia ana, ka utua pea te Utu ā-hāora-hangore mō:

• te 24 wiki, tae atu ki te $5,638.68 (me te Tāke Hokohoko), 
• te 36 wiki rānei, tae atu ki te $11,277.36 (me te Tāke Hokohoko).

He mana tā Te Hiranga Tāngata ki te tini i tēnei mehemea he matatini ngā hiahia o te kaitono, he whāiti rānei ana hiahia. I tua atu, e wātea ana te tautoko mō te whakangungu i mua i te tīmatanga mahi, te whakangungu rānei i a koe e mahi ana mō ngā tāngata e hiahia ana i taua tautoko. Ka mahitahi kōrua ko ngā kaimahi i runga i tēnei.

Kua whakaritea a Skills for Industry ki te āwhina i a koe ki te tiki kaimahi hou me te mātua whakarite kua whiwhi whakangungutanga i ngā pūkenga e hāngai ana ki tō rātou tūranga. Ka tutuki ngā hōtaka ka whakaritea māu, i ō hiahia, mehemea nā te kaiwhakarato rānei, kua hoahoatia kia poto, kia pai te utu, ki te whakatutuki i te korenga o ngā pūkenga e hiahiatia ana, me te korenga o ngā kaimahi, ka mutu, ka tuku tautoko i a koe i te mahi.

Ki te hiahia ngā kaitono i ngā pūkenga e hāngai ana ki tētahi ahumahi mō tētahi mahi, e taea ai pea te hoatu pūtea, tautoko hoki hei āwhina me te whakangungu wā-poto, i mua rānei i te mahi.

E taea ai te whakangungu Skills for Industry te whakarite kia tutuki i ō hiahia, kia whakahaeretia rānei e tētahi kaiwhakarato rānei. Kei roto pea i tēnei ko

• te whakangungu taumata ekenga:
  • te hauora me te haumarutanga
  • te pakihi, te whakataunga ahumahi rānei
  • te whakangungu pūkenga taketake, tae atu ki ngā raihana
• te whakangungu i a koe e mahi ana
• ngā tohu ahumahi i te whiwhinga o te mahi
• te tautoko i te mahi

Ka mahitahi ngā Kaiwhakarato Mahi ki te kimi i te tūranga e tika ana mā te kaitono, i runga hoki i te āhua o ō rātou pūkenga, whāinga mahi hoki.

Ngā kaiwhakawhiwhi mahi e hiahia ana ki te tautoko i te tangata hauā, take hauora rānei ki te whai mahi.

Ka whiwhi koe i te pūtea tāpiri utu ā-hāora me te pūtea mō te whakangungu me ngā utauta, tae atu ki te tautoko i a koe e mahi ana.