He pūtea mā ngā kaiwhakawhiwhi mahi hei āwhina i a rātou ki te tautoko i ā rātou pia ki te whakangungu, me te whakawhanake hoki i ō rātou pūkenga.

Ko ngā kaiwhakawhiwhi mahi o ngā pia i tō rātou tau tuatahi, tuarua rānei o te Whakangungu Pia o Aotearoa, tētahi Whakangungu Ka Whakahaeretia kua whakamanatia e Te Amorangi Mātauranga Matua.

Ko ngā moni utu ki ngā kaiwhakawhiwhi mahi ka $500 i te marama e utua ai mō ngā pia kei te tau tuatahi, me te tau tuarua hoki.

Ko tā ngā Whakangungu Tauira a Te Puni Kōkiri he tautoko i te Māori kia puāwai ai te pito mata i roto i te mahi, me te tautoko i te pakihi kia momoho, kia auaha, kia pakari anō hoki.

Ko tāna he whakarato pūtea ki ngā kaiwhakawhiwhi mahi ki te whakahoahoa, me te whakatinana i ngā hōtaka whakawhanake mā ngā kaimahi Māori hou, ki ngā kaimahi o nāianei tonu, hei whakapiki i ō rātou pūkenga, whai mahi, whiwhinga pūtea hoki, ka mutu, e whakawātea i te ara kia piki ake rātou ki ngā tūranga whakahaere. Ko te painga atu ina whakamahi ngā hōtaka Whakangungu Tauira i ngā āhuatanga o te tikanga ki te tautoko i ngā tauira me te whakapakari i tō rātou māia, mana anō hoki.

Ahakoa nui, āhua nui, pakupaku rānei e whakatenatena ana i ngā kaiwhakawhiwhi mahi ki te mahitahi me Te Puni Kōkiri ki te whakarite i ngā kaupapa Whakangungu Tauira. E whai ana ngā whakangungu tauira ki te tautoko i te iwi Māori o ngā pakeke katoa e piki ake ana ki te taumata i tua atu o tā rātou mahi, arā, ki tētahi tūranga whakahaere, ārahi rānei. E taea ai hoki ngā kaimahi hou te tautoko kia tere ake te whakapakaritanga o ngā pūkenga kia whānui ake ngā huarahi mō te whakapikinga.

Mō ngā kaiwhakawhiwhi mahi
Ngā Whakangungu Tauira a Te Puni Kōkiri:

• ka whakarato atu ki te $10,000 i ia pia mō te whakangungu me te whanaketanga
• he tautoko i te āpōpō o te ōhanga pakihi
• he whakatenatena i te whakatupuranga i ngā momo ahumahi ā-motu, ā-rohe anō hoki
• e tautoko ana ki te momoho, te auaha, te manahau hoki o ngā pakihi, me te whakapiki i te kanorau, me ngā hononga ki ngā hapori Māori.

Mō ngā tauira
Ngā Whakangungu Tauira a Te Puni Kōkiri:

• he hoatu ara mā ngā pia mō te whakapiki ki te taumata hou anō o tā rātou ara mahi
• he whanake i te ārahitanga Māori, te ara pikitanga mahi pūmau
• he whakarato i te kaupapa atawhai tangata kua whakahaeretia e te kaiwhakawhiwhi mahi
• he āwhina ki te whakapiki i te oranga o te whānau kia momoho.

Mai i ngā Whakahaere Whakangungu Ahumahi (ngā ITO) ki ngā akoranga i ngā meka matua o te Ingarihi me te pāngarau, me whai wāhi atu. 0Kei Business.govt.nz ngā pārongo mō ngā momo kaupapa hei āwhina i a koe ki te whakapiki i ngā pūkenga o tō ohumahi me te whakawhanake i tō pakihi. Tae atu ki:

• Ngā Whakahaere Whakangungu Ahumahi (ngā ITO)
• Te tautoko a Te Hiranga Tāngata
• Te āwhina ki ngā meka matua o ngā nama me te pānui

He utu-kore te whakamahinga o Business.govt.nz e tētahi o te iwi whānui.  Kua hoahoatia te ihirangi me ngā pakihi pakupaku o Aotearoa kei mua i te aroaro.  

Ko tā te Pūtea Pānui, Tatau i te Wāhimahi ka tākina e te Kaiwhakawhiwhi mahi he āwhina i ngā kaiwhakawhiwhi mahi:

• ki te whakatika i ngā raru ka puta ake i ngā raruraru pānui, tatau.
• te whakarato hōtaka pānui, tatau hoki mā ngā kaimahi kua mātua whakaritea ake ki tō rātou wāhimahi.

Mehemea he kaiwhakawhiwhi mahi koe e wātea ana pea tēnei pūtea ki a koe. Kei te paetukutuku o Te Amorangi Mātauranga Matua ngā paearu whakauru.

Ka whakarato aromatawai te pūtea mā ngā kaimahi, he hōtaka ki te whakapiki te pānui me te tatau, me te mātau ki ngā take whakaputaranga e ahu mai ana i ngā take pānui, tatau hoki i te wāhimahi.

Mā te āwhina te tāngata ki te ako, me te tiri pukenga e pakari ake ai tō pakihi. Ehara i te mea me nui te utu. He wā anō e rite ana te uara o te ako i te mahi ki ngā akoranga me ngā tohu.

I hangaia ai tēnei rauemi hei āwhina i a koe ki te hanga ahurea e matapoporetia ana:

• te whakahāngai i te akoranga ki te kaimahi me ngā whāinga pakihi
• te aronga ki ngā hiahia o te tangata mō te āhua o tana ako
• te whai kaupapahere, mahere whakawhanake pūkenga rānei
• te whakawhanaketanga o ngā tāngata o ngā momo pakeke, whakapapa, wheako hoki.

He utu-kore te whakamahinga o Business.govt.nz e tētahi o te iwi whānui. Kua hoahoatia te ihirangi me ngā pakihi pakupaku o Aotearoa kei mua i te aroaro.

I tō tūranga hei kaiwhakawhiwhi mahi, e taea ai e koe te whakatipu tō pakihi mā te tiki i ngā ākonga, me ngā pia.

Kātahi te tino huarahi hei whai atu mā ngā kaimahi pono, kaingākau anō hoki e tino hiahia ana ki te tautoko i tō pakihi kia eke panuku. Ka tautoko hoki koe i te ohu kaimahi ā-motu whai pūkenga, whai tohu anō hoki.

Ka taea te pātui ki ngā kaiwhakarato mātauranga ahumahinga, whakangungu hoki ki te kimi i ngā pia me ngā ākonga e hāngai ana ki tō wāhimahi.

Ngā kaiwhakawhiwhi mahi o Aotearoa e whai ana ki te whakatipu i tō rātou pakihi, whakarite i tō rātou wāhimahi mō ngā rā e tū mai nei me te tautoko i te ohu kaimahi o tēnei whenua.

Ako mō ngā rauemi, tautoko ā-pūtea hoki e wātea ana hei āwhina i a koe ki te tiki pia, ākonga hoki.