Nau mai haere mai

Nau mai ki te paetukutuku Hononga.

Welcome to the Connected website.

       

Kua whakamaorihia e maatau tenei paetukutuku ki roto i te reo Maori hei waahanga o ta maatau pono ki Te Ture mō Te Reo Māori (Te Ture mo te Reo Maori) 2016 ma te whakamahi i tetahi kaiwhakamaori whai raihana.

We’ve translated this website into the Māori language as part of our commitment to Te Ture mō Te Reo Māori (The Māori Language Act) 2016 using a licensed translator.

       

Ahakoa ka ngana ki te pupuri i te katoa o te papanga, ko nga waahanga o te paetukutuku kua huri ake nei ka paa ki te reo Ingarihi. 

Although we try to keep the whole site translated, parts of the website that have recently changed will be in English.

{{ 'Kimihia te tautoko e tika ana māu' | except-last-word }} {{ 'Kimihia te tautoko e tika ana māu' | last-word }}

He tohutohu mō ngā mātua me ngā whānau

He hononga ki te āwhina i te kōwhiringa o te ara hei whai atu i ngā mahi ako o te ākonga, tōna haerenga whakangungu rānei.

Tirohia e 5 ngā momo tohutohu i runga i tēnei whārangi

Ki hea ināianei?

Te Amorangi Mātauranga Matua

He mea nui te wehenga i te kura, kei te hiahia tō taiohi i tō āwhina. Kimi mai me pēhea te tautoko i a rātou i ō rātou kōwhiringa mahi, ako rānei, me whakarite hoki mō te ao i muri i te mutunga o te kura.

He aha te tikanga o tēnei

Me pēhea te tautoko i te taiohi ki te tīpako kōwhiringa mahi, ako rānei i muri i te mutunga o te kura, whakarite i ā rātou pūtea, nohoanga, me te whakarite mō te mahi.

Mā wai hoki

Ngā mātua, kaitiaki me ngā whānau o ngā kaiwehe kura tuarua.

Ōna hua

He whakaaro mō te tūhura kōwhiringa ara mahi pūmau, ngā tīwhiri Kōrerorero mō te kōrero mō ngā kōwhiringa ara mahi pūmau. Ngā Kete Taputapu hei āwhina i tō taiohi ki te whakarite mō tō rātou ao i waho atu o te kāinga, te mahi me te ako.

Haere ki careers.govt.nz (external link)

Ngā rauemi ara mahi pūmau mā ngā mātua me ngā whānau

Te Amorangi Mātauranga Matua

Tūhura i ngā rauemi hei āwhina i tō whānau ki te whakamahere i ō rātou ara mahi pūmau, ki te kimi mahi rānei.

He aha te tikanga o tēnei

Ka kitea ngā tīwhiri mō te āwhina i tō rangatahi me te NCEA, te whakamahere ara mahi pūmau me te whakarite kia wehe i te kura. Ka kitea hoki ngā tohutohu mō te whakapiki i tō rātou pānui, tatau hoki.

Mā wai hoki

Mā ngā mātua me ngā whānau ngā rauemi ki te āwhina i ā rātou rangatahi me te NCEA me ngā whakataunga ara mahi pūmau.

Ōna hua

Ka kitea e koe he mōhiohio mō te āhua o te NCEA, me pēhea te whakamahere ara mahi pūmau, me ngā tīwhiri kōrerorero mō te whakarite i tō rangatahi mō te wehenga i te kura. Kei roto ko ngā hononga ki ngā tāngata e taea ai koe te āwhina, pērā ki ngā kaiwhakaako tatau me te pānui.

Haere ki careers.govt.nz (external link)

Mō ngā kōwhiringa mātauranga, whakangungu anō hoki

Te Tāhuhu o te Mātauranga

Kia tae atu tō tamaiti ki ngā tau whakamutunga o te kura tuarua ka huri tō rātou aro ki ngā mahi hei whai atu ā muri i te kura. Arā ngā ara mō te mātau, te whakarite mō te mahi, te whakangungu i te mahi me ētahi atu anō.

He aha te tikanga o tēnei

Kimihia ētahi atu kōrero mō ngā momo ara e wātea ana, tae atu ki te mātai mātauranga matua, te whakangungu ahumahinga me te whakangungu i te mahi.

Mā wai hoki

Ngā mātua, kaitiaki tamariki e hiahia ana ki te tūhura anō i te mātauranga me ngā kōwhiringa whakangungu.

Ōna hua

Mā tēnei rauemi e whakautu ngā pātai pērā ki:

  • He aha ngā kōwhiringa mātauranga ā muri i te kura tuarua?
  • He aha ngā taumata tohu mātauranga matua?
  • He aha te utu?
Haere ki education.govt.nz (external link)

Ngā tū momo kaiwhakarato mātauranga matua

Te Tāhuhu o te Mātauranga

Tirohia tēnei tirohanga whānui o ngā kaiwhakarato mātauranga matua, me ētahi atu mō ētahi atu kōrero mō ngā kōwhiringa mātauranga i muri i te kura tuarua.

He aha te tikanga o tēnei

Me ako ētahi atu kōrero mō ngā kōwhiringa mātauranga i muri i te kura e wātea ana ki Aotearoa. Mai i ngā wānanga ki ngā whare wānanga, he whānui ngā kaiwhakarato rā.

Mā wai hoki

Ngā mōhiohio whai hua mā ngā mātua, kaitiaki rānei mō ngā kōwhiringa ka wātea ki ngā ākonga e whakaaro ana mō te whai mātauranga i muri i te wehenga i te kura.

Ōna hua

He mōhiohio whaihua me ngā hononga hei āwhina i ngā mātua me ngā kaitiaki kia mārama ki ngā kōwhiringa mō ngā whare wānanga, ngā kura hangarau, me ngā kuratini, ngā wānanga me ngā whakahaere whakangungu tūmataiti, ngā whakahaere whakangungu kāwanatanga hoki.

Haere ki education.govt.nz (external link)

Mō te kura tuarua

Te Tāhuhu o te Mātauranga

He pārongo me ngā hononga mō ngā mātua me ngā kaitiaki ki te āwhina i a rātou ki te kimi i tētahi kura me ngā marau, kia mārama ki te NCEA, te āwhina i tō rangatahi ki te eke panuku, me pēhea hoki koe e whai wāhi tonu atu.

He aha te tikanga o tēnei

I tēnei wāhanga e kitea ngā pārongo me ngā hononga mā ngā mātua me ngā kaitiaki hei āwhina kia whiriwhiria tētahi kura me ngā marau, kia mārama ki te NCEA, kia āwhina i tō rangatahi kia eke panuku, ā, me pēhea hoki koe e whai wāhi tonu atu.

Mā wai hoki

Ngā mātua me ngā kaitiaki o ngā ākonga e whai ana i ngā Tau 9-13 ki ngā kura tuarua i Aotearoa.

Ōna hua

He pārongo me ngā hononga whaihua hei āwhina i ngā mātua me ngā kaitiaki kia mārama ki ngā kōwhiringa mō te kura tuarua i Aotearoa, me pēhea rātou e tautoko, e whai wāhi atu i te ako ki te kāinga, ki te kura hoki, me ngā pārongo whaihua hei tautoko i te oranga.

Haere ki education.govt.nz (external link)

Whakarerekēhia: