• He tohutohu whaiaro mā runga waea me ngā mātanga ara mahi pūmau me te āwhina ki te whakatakoto mahere ara mahi pūmau, te kimi mahi, te kimi whakangungu rānei. Waea mai ki 0800 222 733  ki te rēhita.
• He kupu tohutohu kanohi ki te kanohi me ngā mātanga ūmanga ki ngā wāhi Connected puta i Aotearoa.
• E wātea ana tēnei ratonga mai i te 19 Whiringa-ā-nuku 2020 tae atu ki te marama o Pipiri 2022.

Mā ngā tāngata katoa o Aotearoa katoa tēnei ratonga e whai ana i ngā tohutohu ki te whakamahere i tō rātou ara mahi pūmau me te kimi mahi, whakangungu rānei. E tino hāngai ana hoki ki te hunga kua pāpāngia ā rātou mahi e te KOWHEORI-19.

• He mea whakatakoto mahere kua mātua whakaritea ake māu e whakahuahua ana i ngā mahi hei mahi ināianei ki te whai mahi, whakangungu rānei.
• Kia mārama ki ō pūkenga whakawhitiwhiti me pēhea tō whakamahi i aua pūkenga i tētahi mahi hou.
• Me whai āwhina me tō Tāhuhu Tangata me ngā reta uhi.

Ka ārahina te tangata i ngā takahanga e tika ana kia mahia e rātou kia pai ai te kimi ara mahi pūmau tika mā rātou e ahu mai ana i ō rātou pūkenga, painga, me ngā mahi e hiahiatia ana.

Ngā tāngata o Aotearoa e hiahia ana ki te whakamahere, ki te whakarerekē rānei i tā rātou ara mahi pūmau.

• He tukanga whakamahere ara mahi pūmau.
• Ngā pukamahi me ngā whakamātautanga kia tūhura i tō tino, i tō tino hiahia hoki.
• He pārongo mō te tuhura me te whakamātau i ngā kōwhiringa ara mahi pūmau.
• Ngā ataata o ngā tāngata e kōrero ana mō tō rātou ara mahi pūmau.
• Ngā tīwhiri whiriwhiri i ō pūkenga me ngā mahi e hiahiatia ana.
• Ngā kōwhiringa mātai mātauranga, whakangungu hoki.
• He tohutohu mō ngā mahi hei mahi ināianei, mehemea kei te hiahia tini ara mahi pūmau, ara mātai rānei.

Mā tēnei rauemi e āwhina i a koe ki te tautohu i ō pūkenga, uara mahi hoki, he pēhea hoki te taurite atu ki ngā momo ara mahi pūmau. I tua atu, e taea ai e tēnei rauemi te āwhina i a koe me ō whakaaro mō te ōritenga mahi, ōritenga kāinga.

Ngā ākonga katoa puta noa i Aotearoa.

Mā tēnei rauemi e āwhina i a koe ki te whakataurite atu i ō pūkenga ki ngā momo ara mahi pūmau rerekē, kia pai ai tō āta whakaaroaro i tāu e tino hiahiatia ana i te mahi. Ka honoa atu hoki ki ētahi atu rauemi āwhina nei - ki kona e riro mai ai ētahi atu mātau anō.

Te tini i tō ara mahi pūmau, mātai rānei.

Te hunga kei te mahi, kei te ako rānei e hiahia ana ki te tini i tō rātou ara mahi pūmau, akoranga rānei.

• He pukamahi ki te tautohu mehemea me tini koe i tō ara mahi pūmau, ara ako rānei.
• He pārongo mō te hunga e taea ai te āwhina i a koe me ngā tohutohu ara mahi pūmau.
• Ngā kōwhiringa mō te whakangungu-anō ki te tini i tō ara mahi pūmau.

Me ako koe ki te whiriwhiri i ō pūkenga mai i ō wheako mahi, koiora, ako hoki. Te tikanga me mōhio koe ki ō pūkenga i a koe e whakamahere ana i tō ara mahi pūmau e tono mahi ana hoki.

Te hunga wehe i te kura, te hunga tini ara mahi pūmau e whakamahere ana i tō rātou ara mahi pūmau, me ngā tāngata e kimi mahi ana.

• Ngā pārongo mō ngā pūkenga me pēhea hoki e taea ai te tautohu i te katoa o ō pūkenga.
• He pukamahi pūkenga.
• He ataata e whakamārama ana me pēhea te whakaahua i ngā pūkenga i a koe e kimi mahi ana.

He taputapu pāhekoheko ka huatau i ngā huatau mahi e ahu mai ana i ngā pūkenga.

Ngā tāngata o Aotearoa e hiahia ana ki te whakamahere, ki te whakarerekē rānei i tā rātou ara mahi pūmau.

• He taputapu pāhekoheko e tiaki ai i ō huanga.
• Ngā huatau mahi e ahu mai ana i ō pūkenga.
• Tūhura i ngā huatau mahi ki te kimi pārongo whakauru kia tino mōhio ai ki te āhua o te mahi.

Ngā kōwhiringa mātai, whakangungu rānei, me pēhea hoki te kimi, mō ngā tāngata kua whakamutua te mahi.

Ngā tāngata kua whakamutua tā rātou mahi i nā noa nei, ā, kei te hiahia whakapakari rātou i ō rātou pūkenga, te huri ki mahi hou rānei ki te kimi mahi.

• He tirohanga whānui o ngā kōwhiringa mātai, whakangungu e pai ana mā ngā pakeke.
• Ngā mōhiohio mō ngā karahipi me ngā utu kore.
• Ngā kōwhiringa mō te whiwhi NCEA, he whakaaetanga rānei ki ngā akoranga o mua.

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Ngā tāngata o te Moana-nui-a-Kiwa kei Aotearoa:

• 15 pakeke ake rānei
• He kirirarau nō Aotearoa
• kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

E āwhina ai ngā kaiwhakarato o Tupu Aotearoa i a koe ki:

• te tautohu i ngā akoranga whakapiki pūkenga, whakangungu hoki e hāngai ana
• he tohutohu ara mahi pūmau, me te ārahitanga
• rapu mahi
• te tautoko ki te tuhi i tō Tāhuhu Tangata, reta uhi rānei
• te whakarite mō ngā uiui
• te whiwhi raihana taraiwa
• te tautoko pakihi me te tautoko i muri i te whiwhinga mahi.

Mā ngā Ara Ahumahinga e āwhina ngā ākonga ki te kite i te uara o ā rātou akonga i te wāhimahi mā te whakahāngai ngā paerewa aromatawai mō ngā ahumahi e ono, e āwhina hoki i a rātou ki te tūhura i ngā ara mahi pūmau e tino kaingākautia ana e rātou!

Mā ngā ākonga e ako ana i te taumata 2 me te 3 puta noa i Aotearoa i te kura, kua rēhita rānei ki tētahi o ngā whakahaere mātauranga matua.

Ko tā ngā Ara Ahumahinga he āwhina i ngā ākonga ki te kite i te hāngaitanga o ā rātou akoranga ki te ao mahi me te whiwhi mātauranga o ngā pūkenga me ngā tohu ka hiahiatia e te ahumahi.

Ka kite ngā ākonga ka pēhea e honohono ai tā rātou akoranga ki ngā ahumahi e ono, tae atu ki ngā Ahumahi Toi, Ahumahi Matua, Ahumahi Ratonga, ngā Ratonga Pāpori, Hapori hoki, te Hanga Whare me te Hanganga, te Whakanao me te Hangarau.