Whakapau kaha ō tātou kaipāmu, ringa whakatipu, kaihanga wāina kia haere tonu te motu, ka mutu, ka noho mātuatua ki te whakaoranga o Aotearoa tonu. E taea ai e koe te whai wāhi mai. Kei te hiahiatia te hunga whai wheako, whai pūkenga, whai pānga whānui tonu, ahakoa nō hea, ahakoa ko wai.

Ko te hunga e kimi ana i te kōwhiringa mahi pūmau, te whakangungu, me ngā tū momo tūranga, ina koa, te hunga whānui o Aotearoa.

Arā, e wātea ana ngā akomanga puta noa i Aotearoa tae atu ki te mahi pāmu, (miraka, kau, hipi), te tukatuka kai, te whakaputa wāina, te mahi ngahere, te kaimoana, me te ahumāra. Kei te wātea ētahi ināia tonu nei, arā anō ētahi, he akomanga whakamātau, whakangungu rānei i mua i tō tīmatanga.

Ehara i te mea he ara i ngā tūranga ā-tuawhenua, ā-tinana noa iho rānei. Arā anō ngā mahi i roto i te pūtaiao, te hangarau, te pakihi, te whakahaere, ngā wāhanga o ngā mahi whakahaere, te tiaki kararehe, te tauhokohoko, te rangahau, me te whanaketanga. He whānui ngā tūranga mahi, ka mutu, he mahi whakaongaonga te mahi, me te mahi pūmau nei. Arā anō te nui kua kore pea e whakaarotia e koe.

Ka whakaako pūkenga ngā kaupapa mātauranga ahumahinga, whakangungu hoki e taea ai te whakamahi i ētahi momo mahi. He tini ngā kōwhiringa, he nui hoki ngā ara ako.

E taea ai te ako i runga ipurangi, i te akomanga rānei. E taea ai hoki te mahi i tētahi whakangungu piatanga, mā reira, e taea ai te ako i a koe e mahi ana.

Ngā Tāngata o Aotearoa e kimi ara mahi pūmau ana, e hiahia ana rānei ki te whakangungu-anō. 

Ako mō ngā rauemi, te tautoko ā-pūtea rānei e āwhina pea i a koe ki te whiwhi āwhina ki te utu i tō mātai, whakangungu rānei.

He kaiwhakarato o tō takiwā mā rātou koe e tautoko ki te whakawhiwhi raihana hautū waka, arā kē mēnā rā e kimi mahi ana koe.

He rerekē ngā tū tautoko e whakaratohia ana e ngā kaiwhakarato. Hei tauira, e taea ana e ētahi kaiwhakarato te tautoko i a koe mā te:

• mahi wānanga, te whakaharatau rānei mō tō whakamātautau Raihana Pia
• he akoranga, whakaharataunga mō te whakamātutau Raihana Here
• he motokā hei mahi i te whakamātautau

Ko te hunga e 16 te pakeke neke atu rānei e hiahia ana, ā, e āheitia ana ki te whakawhiwhi raihana hautū waka, e whakaaetia ana.

Ko te tikanga o Skills for Industry he whakarite kia rite ngā tāngata mō te mahi ki ngā ahumahi e hiahia ana i ngā kaimahi hou. Ka whakahaere akomanga i runga i te totohe o te ahumahi, ka mutu, ka mahi i te taha o te mahi hangahanga, te hanganga, te ahuwhenua, te hauora me ētahi atu.

Mā ngā tāngata i Aotearoa te Skills for Industry e hiahia ana ki te whakangungu, ki te whakangungu-anō rānei kia rite ai mō te mahi.

Kei roto i ngā akomanga Skills for Industry ko te:

• te whakangungu taumata ekenga:
  
  • te hauora me te haumarutanga
  • te pakihi, te whakataunga ahumahi rānei
  • te whakangungu pūkenga taketake, tae atu ki ngā raihana
• te whakangungu i a koe e mahi ana
• ngā tohu ahumahi i te whiwhinga o te mahi
• te tautoko i te mahi

Ka whakahaerehia te kaupapa Wānanga Ratonga i roto i ngā kura tuarua ki te taha o Te Ope Kātua o Aotearoa. Ko te whāinga ko te tautoko i ngā ara ānamata mā ngā ākonga  mātāmua mā te whakapaitanga ake o ngā tohu NCEA me te whanaketanga o ngā pūkenga ārahi, ngā pūkenga koiora hoki.

Ko te rōpū ākonga e whāia ana ko ngā ākonga tau 12, 13 hoki e noho mōrearea ana, e wete ana, kua wete rānei i ngā mahi o te kura.

• E whakatenatena ana i ngā ākonga kia whai wāhi tonu atu ki te ako mā te whakatakoto i tētahi hōtaka toitoi manawa, whakatoatoa hoki.
• He tautoko i ngā ākonga ki te whakawhanake i tō rātou kiri-māia mā te whai wāhi atu ki ngā akoranga pūkenga koiora, ārahitanga taiohi hoki.
• E tautokona ngā ākonga ki te whai wāhi tonu atu ki te ako, e āwhina i a rātou kuhu atu ki te ao mahi, ki te mātauranga anō me te whakangungu.

He pātuinga Ngā Wānanga Mahi Ringarehe i waenga i ngā kura, ngā whare mātauranga matua, ngā whakahaere whakangungu ahumahi me ngā kaiwhakawhiwhi mahi e whakatakoto ana i ngā momo ara ako whānui i ngā mahi ringarehe, i ētahi atu wāhanga whai pānga hoki ki te ahumahi.

Mā ngā ākonga i ngā tau 11-13 e hiahia ana ki te whai i te ara mahi pūmau i te Mahi Ringarehe, te Hangarau, te Ahumahi rānei.

Ka toitoi manawa Ngā Wānanga Mahi Ringarehe i ngā ākonga kia whai wāhi tonu atu ki te ako me te whakangungu mā te whakapikinga o ngā kōwhiringa ako, me te whakatakoto i ngā ara mārama tonu i muri i te kura, me te tuku whakangungu hei tīmatanga mō ngā tohu ahumahinga me te mahi.