Nau mai haere mai

Nau mai ki te paetukutuku Hononga.

Welcome to the Connected website.

       

Kua whakamaorihia e maatau tenei paetukutuku ki roto i te reo Maori hei waahanga o ta maatau pono ki Te Ture mō Te Reo Māori (Te Ture mo te Reo Maori) 2016 ma te whakamahi i tetahi kaiwhakamaori whai raihana.

We’ve translated this website into the Māori language as part of our commitment to Te Ture mō Te Reo Māori (The Māori Language Act) 2016 using a licensed translator.

       

Ahakoa ka ngana ki te pupuri i te katoa o te papanga, ko nga waahanga o te paetukutuku kua huri ake nei ka paa ki te reo Ingarihi. 

Although we try to keep the whole site translated, parts of the website that have recently changed will be in English.

{{ 'Kimihia te tautoko e tika ana māu' | except-last-word }} {{ 'Kimihia te tautoko e tika ana māu' | last-word }}

He pūtea, he tautoko rānei ki te whakangungu

Kimi pārongo mō ngā momo āwhina ā-pūtea hei āwhina i a koe ki te whakangungu.

Tirohia e 5 ngā momo tautoko ā-pūtea mō te whakangungu i runga i tēnei whārangi

Te Whakangungu Utu Kore

Te Amorangi Mātauranga Matua

Fees Free 2025

Fees Free for the first year of study or training will finish at the end of 2024. From January 2025, a final-year Fees Free scheme will replace it. TEC are working through transition arrangements for first-year Fees Free learners as well as detailed policy design and implementation for the final-year Fees Free scheme. Once decisions are made, more information will be available on the Fees Free website.

Te whakamahere i tō whakangungu ahumahinga? E taea ai pea te whiwhi ngā marama 24 tuatahi o ō utu whakangungu mō te koreutu.

He aha te tikanga o tēnei

Me ako mō te whānuitanga o ngā Utu Kore (Fees Free), ka tirohia mehemea e ahei ai tō whiwhi i tēnei āhua.

Mā wai hoki

Ngā ākonga puta noa i Aotearoa e tīmata ana i tā rātou whakangungu ahumahinga mō te wā tuatahi. Tirohia mehemea e wātea ana ēnei ki a koe mā te haere ki te paetukutuku Fees Free.

Ōna hua

Mehemea kei te mahi koe i te whakangungu i a koe e mahi ana, mā Utu Kore e utu ngā utu katoa mō te whakangungu me te aromatawai mō te 24 marama tuatahi o tētahi kaupapa whakangungu ahumahi e tika ana.

Haere ki te paetukutuku Fees Free (external link)

Ngā Moni Tautoko Whakangungu

Te Manatū Whakahiato Ora

He tautoko kia utu i ngā nama tāpiri kia mahi ai i tāu mahi mēnā rā he whaikaha koe, he āhuatanga hauora rānei tōu.

He aha te tikanga o tēnei

Ko te haupū Mahi Tautoko  hei tautoko māu kia utua ētahi mea e pā ana ki tō āhuatanga hauora, tōu whaikahatanga rānei e whiwhi mahi ai koe, kia noho tonu rānei koe ki tētahi tūranga mahi. Ka taea anō hoki e koe te tono mēnā rā he mahikuhu tāu.

Ko ngā Moni Tautoko Whakangungu e kapi ai i ēnei:

  • ngā taputapu
  • Te Reo Rotarota o Aotearoa me ngā kaiwhakamāori reo rotarota
  • He tangata tautoko
  • Ikiiki

Mā wai hoki

Mā te hunga e pēnei nei:

  • āhuatanga hauora, he whaikahatanga rānei ko te āhua nei ka roa ake ai i te 6 marama te roa e mau ana
  • hiahia kia utu nui atu mō te tautoko kia mahi i tētahi mahi nō tōna āhuatanga hauora, whaikahatanga rānei, ko ngā utu ēnei e kore e te tangata kāore e whai whaikahatanga ana e whai ina mahi ana rātou i te mahi ōrite tonu rā.
  • Kirirarau o Aotearoa, he kainoho pūmau rānei
  • ka noho ki Aotearoa noa nei, ā, ko te takune kia noho mai ai ki konei kāore e whiwhi ana i te tautoko i Te Kaporeihana Āwhina Hunga Whara, i te Manutū Hauora rānei. 
Haere ki te paetukutuku (external link)

He Āwhina Whai Wāhitanga Akoranga

Te Manatū Whakahiato Ora

E taea ai e Te Hiranga Tāngata te āwhina ki te utu mō tētahi akoranga wā poto hei āwhina i te tangata ki te whakawhanake pūkenga e hiahiatia ana kia whai mahi.

He aha te tikanga o tēnei

Te mātua whakarite kei te whai whakangungu, pūkenga hoki ngā tāngata e hiahia ana ki te whai mahi.

Mā wai hoki

Te hunga e whiwhi ana i te takuhe nā Te Hiranga Tangata, ā, e haere ana ki tētahi akoranga whai mana, kāore anō kia utua e rātou ngā utu akoranga (arā, ngā utu hāereere), me utu ētahi atu utu rānei nā te akoranga tonu.

Ōna hua

Atu ki te $1,000 puta i ngā wiki 52 - e taea ai neke atu i te utu kotahi i tēnei wā, engari kaua e neke atu i te $1,000.

Haere ki te paetukutuku o Te Hiranga Tangata (external link)

Tupu Aotearoa

Te Manatū mō ngā Iwi o Te Moana nui ā-Kiwa

He kaupapa arotahi a Tupu Aotearoa hei tautoko i ngā tāngata nō te Moana-nui-a-Kiwa ki te whiwhi utauta, pūkenga hoki kia momoho ai rātou mā te whai mahi, te whakatutukinga o ētahi atu whakangungu, te ako rānei.

He aha te tikanga o tēnei

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Mā wai hoki

Ngā tāngata o te Moana-nui-a-Kiwa kei Aotearoa:

  • 15 pakeke ake rānei
  • He kirirarau nō Aotearoa
  • kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

Ōna hua

E āwhina ai ngā kaiwhakarato o Tupu Aotearoa i a koe ki:

  • te tautohu i ngā akoranga whakapiki pūkenga, whakangungu hoki e hāngai ana
  • he tohutohu ara mahi pūmau, me te ārahitanga
  • rapu mahi
  • te tautoko ki te tuhi i tō Tāhuhu Tangata, reta uhi rānei
  • te whakarite mō ngā uiui
  • te whiwhi raihana taraiwa
  • te tautoko pakihi me te tautoko i muri i te whiwhinga mahi.
Haere ki te paetukutuku o Te Manatū mō ngā Iwi o Te Moana nui ā-Kiwa (external link)

Whakangungu Tauira

Te Puni Kōkiri

Whakakaha i tō pakihi kia rite mō te anamata i a koe e whakatipu ana i ngā pūkenga ārahi me ngā ara mahi pūmau o ngā kaimahi Māori awhero. Me mahitahi me Te Puni Kōkiri ki te whakatipu i ngā kaiārahi Māori.

He aha te tikanga o tēnei

Ko tā ngā Whakangungu Tauira a Te Puni Kōkiri he tautoko i te Māori kia puāwai ai te pito mata i roto i te mahi, me te tautoko i te pakihi kia momoho, kia auaha, kia pakari anō hoki.

Ko tāna he whakarato pūtea ki ngā kaiwhakawhiwhi mahi ki te whakahoahoa, me te whakatinana i ngā hōtaka whakawhanake mā ngā kaimahi Māori hou, ki ngā kaimahi o nāianei tonu, hei whakapiki i ō rātou pūkenga, whai mahi, whiwhinga pūtea hoki, ka mutu, e whakawātea i te ara kia piki ake rātou ki ngā tūranga whakahaere. Ko te painga atu ina whakamahi ngā hōtaka Whakangungu Tauira i ngā āhuatanga o te tikanga ki te tautoko i ngā tauira me te whakapakari i tō rātou māia, mana anō hoki.

Mā wai hoki

Ahakoa nui, āhua nui, pakupaku rānei e whakatenatena ana i ngā kaiwhakawhiwhi mahi ki te mahitahi me Te Puni Kōkiri ki te whakarite i ngā kaupapa Whakangungu Tauira. E whai ana ngā whakangungu tauira ki te tautoko i te iwi Māori o ngā pakeke katoa e piki ake ana ki te taumata i tua atu o tā rātou mahi, arā, ki tētahi tūranga whakahaere, ārahi rānei. E taea ai hoki ngā kaimahi hou te tautoko kia tere ake te whakapakaritanga o ngā pūkenga kia whānui ake ngā huarahi mō te whakapikinga.

Ōna hua

Mō ngā kaiwhakawhiwhi mahi
Ngā Whakangungu Tauira a Te Puni Kōkiri:

  • ka whakarato atu ki te $10,000 i ia pia mō te whakangungu me te whanaketanga
  • he tautoko i te āpōpō o te ōhanga pakihi
  • he whakatenatena i te whakatupuranga i ngā momo ahumahi ā-motu, ā-rohe anō hoki
  • e tautoko ana ki te momoho, te auaha, te manahau hoki o ngā pakihi, me te whakapiki i te kanorau, me ngā hononga ki ngā hapori Māori.

Mō ngā tauira
Ngā Whakangungu Tauira a Te Puni Kōkiri:

  • he hoatu ara mā ngā pia mō te whakapiki ki te taumata hou anō o tā rātou ara mahi
  • he whanake i te ārahitanga Māori, te ara pikitanga mahi pūmau
  • he whakarato i te kaupapa atawhai tangata kua whakahaeretia e te kaiwhakawhiwhi mahi
  • he āwhina ki te whakapiki i te oranga o te whānau kia momoho.
Haere ki te paetukutuku o Te Puni Kōkiri (external link)

Whakarerekēhia: